විද්‍යාව සහ දෙශපාලනය මත විශ්වාසය තබා මාර්කේල් වෛරසයෙන් පසු නැවත පිබිදීමේ සැළැස්ම හෙළි කරයි.

New Yourk Times ලිපියේ සිංහල පරිවර්තනයකි.

බර්ලිනය – චාන්සෙලර් අන්ජෙලා මර්කෙල් පසුගිය බදාදා කෝවිඩ්-19 හේතුවෙන් පනවා තිබූ සමාජයීය සහ ආර්ථික සීමා කිරීම් ඉවත් කිරීමේ සැළැස්ම ඉදිරිපත් කරමින් ඇය අනතුරු හැඟවූයේ එය නැවත සාමාන්‍ය ජීවිතයට පැමිණීමකට වඩා වසංගත තත්වයත් සමග කණපිට පෙරළුනු ජීවිතයකට හුරු වීමක් වනු ඇති බවයි.

නිතරම විද්‍යාව කෙරෙහි අවදානයෙන් පසුවන වෘත්තියෙන් භෞතික විද්‍යාඥයකු වන චාන්සෙලර් වරිය ඇගේ සැළැස්මට ජර්මනියේ ප්‍රාදේශීය ෆෙඩරල් නායකයන්ගේ ඒකමතිය ලබා ගැනීමට සමත් වූවාය.

බොරු මවාපෑම් වලින් තොරවම ගත් කල ඇගේ නිවෙදනයෙන් කියැවුනේ නැවතත් ජර්මනිය යුරෝපයේ විශාලතම ආර්ථිකය බවට පත් කිරීමේ උත්සහයක් බවයි. යුරෝපා මහද්වීපයේ මහත් බලයක් හොබවන ඇය වෛරසයට එරෙහිව සටන් කරන බොහෝ බටහිර රටවල් වලට උදාහරණයක් සපයන චරිතයක් බවට පත්ව ඇත.

ඇගේ භාවිතාව බෙදුනු අදහස් වලින් පිරුණු එක්සත් ජනපද දේශපාලන තත්වයට වඩා බෙහෙවින් වෙනස් විය. එක්සත් ජනපදයේ බොහෝවිට පැවතියේ එරට රාජ්‍ය නිලධාරීන් සමග ගැටෙමින් ජනපති ට්‍රම්ප් වෛරසය සම්බන්ධයෙන් බලෙන් සාවද්‍ය පුරෝකතන නිකුත් කරන අවස්ථාවන්ය.

ප්‍රවෘත්ති සාකච්ඡාවකදී මර්කෙල් මහත්මිය මෙසේ පැවසුවාය: “ආරම්භයේ දී කිසිසේත් බලාපොරොත්තු නොවූ දෙයක් – එනම් අපගේ වෛද්‍යවරුන් සහ රැකබලා ගන්නන්, වෛද්‍ය ක්ෂේත්‍රයේ, රෝහල්වල සිටින සියල්ලන්ම අධෛර්යයට පත් නොවීම . ”

බර්ලිනයේ පොට්ස්ඩමර් ප්ලැට්ස් හි සාමාන්යෙන් ඉතා කාර්ය බහුල වීදියක් මේ අඟහරුවාදා.

නමුත් ඇය තවදුරටත් මෙසේ පැවසුවාය: “අප අත්කර ගෙන ඇත්තේ අන්තර්කාලීන සාර්ථකත්වයක් – තව දුරටත්, නොඅඩු. එය බිඳෙන සුළු අතුරු සාර්ථකත්වයක් බව මම අවධාරණය කරමි. ”

ආර්ථික අගුලු ලෑම තව දින 20ක් පවතින අතර තද සමාජ දුරස්ථ භාවය තව දුරටත් තබා ගන්නා බව ඇය පවසයි.

ලබන සතියේ මුල සිට සමහර සාප්පු විවෘත කිරීමට ඉඩ ලැබෙන බවත් ඒවා නිවැරදි සමාජ දුරස්ථ භාවය පවත්වා ගැනීමේ ක්‍රමවේද පිළිපැදිය යුතු බවත් ඇය පවසා සිටී.

වැඩිහිටි සිසුන් හට මැයි මාසයේදී පාසල් ඇරඹෙන නමුත් එය අවිනිශ්චිත වන අතර එය මුහුණු ආවරණ සහ පාසල් බස් රථ වල සමාජ දුරස්ථ භාවය පිළිපදිමින් සිදු විය යුතුය.

සෑම සති 2 ට වරක් ම රජය විසින් ආසාධිත පිරිසගේ ප්‍රමාණය සහ ලිහිල් කිරීම් වල ස්වභාවයන් ගණනය කරනු ලබන අතර එමගින් එම ලිහිල් කිරීම් වල බලපෑම අනුව ආසාදනය නැවත වර්ධනය වීමට ඇති ඉඩකඩ අවම කරනු ඇත.

කොතරම් හොඳ අරමුණකින් යුතුව සිදු කරද වැරදි සහගත තීන්දුවකට ඉදිරියට යාමට ඉඩක් නැති බව මාර්කෙල් පවසයි. තවමත් මේ වසංගතයට එන්නතක් හෝ බෙහෙතක් තවමත් සොයාගෙන නොමැති බව අපි හොඳින් තේරුම් ගත යුතුයි.

වෛරසය ජර්මනියට ඇතුල් වී වසංගතයක් බවට ඉක්මනින් පත් වුවද ඔවුන් ඊට ඉක්මන් ප්‍රතිචාර දැක්වූ නිසා එහි පැතිරීම අවම විය.

මසකට පෙර මරණ සංඛ්‍යාව 90 වන විට මාර්කෙල් ගේ රජය දරුණු සමාජ දුරස්ථ භාවය ඇති කරන නීති හදුන්වා දුන් අතර මහජනයාට කණ්ඩායම් ලෙස එකතු වීමට ඇති ඉඩකඩ වසා දැමුනු අතර ඉන් එහි ආර්ථිකය මුළුමනින් ම කඩා වැටින.

පසුගිය බදාදා වනවිට ආසාදිතයින් ගේ සංඛ්‍යාව 136,616 වූ අතර එය ස්පාඤ්ඤය, ඉතාලිය ලඟට යුරෝපයේ තෙවන වැඩිම සංඛ්‍යාව විය. නමුත් දෛනික ආසාදිතයන්ගේ සංඛ්‍යාව ක්‍රමයෙන් අනිත් රට වලට සාපේක්ශව අඩු වූ අතර මරණ සංඛ්‍යාව 3428 ක් ලෙස වාර්ථා වේ.

ජර්මනියේ උපාය මාර්ගය වූ පූර්ව සහ පැතිරුණු පරීක්ශණ ක්‍රියාවලිය සහ ඔවුන් සතු ඉහල දැඩි සත්කාර ඇඳන් ප්‍රමාණය නිසා අනිත් යුරෝපා රට වල් වලට සාපේක්ශව මරණ අනුපාතය අවම වූ අතර මාර්කෙල් මහත්මියගේ නායකත්වය සහ රජයේ නීති වලට මහ ජනයා දැක්වූ අනුකූලතාව ඊට බල පෑ බව වෛරසය පිළිබඳ විශේෂඤ මතයයි.

බර්ලිනයේ පර්යේශනාගාරයක COVID-19 රෝගයට හේතු වූ SARS-CoV-2 සඳහා පරීක්ශණ වල නිරත වෙමින්.

වසංගත අවස්ථාවේ මුල් අදියර වලදී මෙන්ම මාර්කෙල් මහත්මිය මාද්‍ය සාකච්ඡාවට පෙර බොහෝ උපදේශකයින්ගෙන් උපදෙස් ලබා ගෙන ඇත. ඇය ඉහලම අධ්‍යාපනඤයින් සහ මනෝ විද්‍යාත්මක ආචාරධර්ම පිළිබඳ ප්‍රාමාණිකයන් 26 ක කණ්ඩායමකගේ නිර්දේශ සළකා මෙම සැලැස්ම සකස් කර ඇති අතර එය ජර්මනියේ අනෙකුත් රාජ්‍ය 16 ආණ්ඩුකාර වරුන් ට ඉදිරිපත් කර ඇත. ඇය මෙම සම්මුතිය ඉදිරිපත් කර ඇත්තේ ඇගේ මුදල් අමාත්‍ය වරයා, බවාරියා හි ආණ්ඩුකාර වරයා මෙන්ම හැම්බර්ග් හි පුරපති ද එක්වය.

මියුනිච් නුවර සමාජ දුරස්ථ භාවය දැක්වෙන අයුරු.

ජර්මනිය සාමූහික චින්තනය සහ විවාද යහපත් ප්‍රතිඵලයකින් අවසන් වී ඇති බව බවරියාවේ ආණ්ඩුකාර මාර්කස් සෝඩර් පවසයි. ඔහු නොපැකිලව ඇන්ජෙලා මාර්කෙල් ව විවේචනය ඉදිරිපත් වුනු අයෙක් වන අතර ජර්මනියේ සියළුම රාජ්්යන් ෆෙඩරල් රජයේ උපක්‍රමය සමග එකඟව කටයුතු කරන අතර එම උපක්‍රමය නම් ප්‍රවේසම් සහිතව සිටීමයි.

සතියක් තුල සමහර කුඩා යුරෝපා රටවල් සීමාවන් ඉවත් කළත් බොහෝ රටවල් තවමත් ජර්මනිය තම ආර්ථිකය බිඳවැටීමට එරෙහිව කුමන සැළැස්මක් සමග ඉදිරියට පැමිණේදැයි බලා සිටිනවා.

මාර්කෙල් මහත්මියගේ නිවේදනයෙන් කියා සිටින්නේ කොරෝනා වෛරසය පැතිරීමත් සමග ජර්මනිය ආර්ථික අවපාතයකටද රැකියා වියුක්ත භාවයකටද ගමන් කරන බවයි

පළමු කොටම පොත් සාප්පු, බයිසිකල් සාප්පු, මෝටර් රථ බෙදා හරින්නන් විවෘත කරනු ඇත. නමුත් ඔවුන් තම සාප්පුව ඇතුළත සිටිය හැකි පාරිභෝගිකයන් ගේ සංඛ්යාව අවම කර ගත යුතු අතර සාප්පුවෙන් පිටත පෝළිම් ද අවම විය යුතුය.

සියළුම පාසල් තවත් සති 3 ක් වසා තැබෙන අතර ප්‍රාථමික සහ පෙර පාසල් තව දරටත් වසා තැබේ. එමෙන්ම මුහුණු ආවරණ පැළඳීමද නිර්දේශ කෙරේ. නමුත් එය අසල්වැසි ඕස්ට්‍රියාව මෙන් අනිවාර්ය නොකෙරේ

අසාමාන්්ය ලෙස හිස් වූ බර්ලිනයේ දුම්රියක්

අවන්හල් සහ මත්පැන් අලෙවිසල් තව දුරටත් වසා තැබෙන අතර සොකර් ක්‍රීඩා වැනි විශාල උත්සව අගෝස්තු 31 තෙක් තහනම්ය. බැතිමතුන් අතර නියමිත දුර සිටින පරිදි සකස් කරන තුරු ආගමික සේවා නැවතත් ස්ථාපනය නොකෙරේ.

බදාදා ප්‍රවෘත්ති සාකච්ඡාව අතරතුරදී චාන්සෙලර් වරිය තම නීති රීති පිළි පැදීම සම්බන්ධයෙන් එරට ජනතාවට ස්තුතිය පුද කළාය.

ආසාදිතයන් ගේ වර්ධන රේඛාව සමතලා වී ඇතත් එය තාවකාලික ජයග්‍රහණයක් විය හැකි බවත් එබැවින් අප නිතරම කුඩා පියවරයන්ගන් මෙසේ මහජන ගැවසීමට ඉඩ සැළසීමෙන් අපට ආසාදිතයන් පටන් ගන්නේ කොහි සිටදැයි නිර්ණය කිරීමට පහසු වන බවත් චාන්සලර් වරිය පවසයි.

ඇය පවසා සිටින්නේ ජර්මනියේ කෝවිඩ් පරීක්ශන කිරිමේ ධාරිතාවය වැඩි කළ යුතු බවත් දැනට එය යුරොපයේ ඉහළම අගය වන දිනකට 100,000 ක් පමණ වන බවත් පවසා සිටියි.

බර්ලිනයේ හැක්ස්චර් වෙළඳපොලේ වසා දැමුනු අවන්හලක්.

චාන්සෙලර් වරිය ඇගේ සැළැස්මේ ඇති විද්්යාත්මක බවද පැහැදිලි කළාය.

රජය නිරීක්ශනයේ යෙදුනු ප්‍රදාන සාධකයක් වූයේ එක් ආසාධිතයෙක් තවත් කීදෙනක් ට රෝගය ආසාදනය කරනවා ද යන්න දක්වන දර්ශකයයි.

එය දැනට 1 ක් ලෙස වුවත් එය 1.1 දක්වා හෝ වර්ධනය වුව හොත් ඔක්තෝබර් වන විට ජර්මනියේ සෞඛ්ය සේවා ධාරිතාවය ඉක්මවා යන බව ඇය පැවසූවාය.

1.3 ක දර්ශකයකින් ජුනි මස වන විට අපගේ සෞඛ්ය සේවා වල ධාරිතාව ඉක්මවා යන බව ඇය තව දුරටත් කියා සිටියා.

අපට ඇත්තේ ඉතා කුඩා අවකාශයක් බව ඔබට දැන් පැහැදිලි විය යුතුය. ආසාදිතයන් සියල්ල සළකුණු කරගත හැකි විය යුතු අතර ඒවා සියල්ල කුමන අයෙකුගෙන් පැතිරුණු බවද සොයා ගත හැකි විය යුතු බවද ඇය කියා සිටියා.

මුළු පරිශීලකයින් 46 

ප්‍රතිචාරයක් ලබාදෙන්න

ඔබගේ ඊමේල් ලිපිනය ප්‍රසිද්ධ කරන්නේ නැත. අත්‍යාවශ්‍යයය ක්ෂේත්‍ර සලකුණු කොට ඇත *